|
Raunveruleg
viðfangsefni
Oft er því haldið fram
að í skólastarfi, einkum í grunnskólum og á bóknámsbrautum í
framhaldsskólum, sé fullt af tilbúnum viðfangsefnum, nánast
gerviviðfangsefnum, sem séu í litlum sem engum tengslum við
raunverulegt líf utan skólans. Það er eins og það vilji gleymast að
hlutverk skólans er að búa nemendur undir alvöru lífsins, líf og
starf í lýðræðisþjóðfélagi eins og það heitir gjarnan á laga-
og námskrármáli. Því má færa fyrir því rök að allt of lítið
sé af því gert á öllum skólastigum að fá nemendum raunveruleg
viðfangsefni að glíma við. Skólastarf gefur fjölmörg tækifæri til
viðfangsefna af þessu tagi, sem hvort tveggja má kljást við innan sem
utan skólans. Það er raunar umhugsunarefni að viðfangsefni af þessu
tagi eru oft ekki talin með þegar gerð er grein fyrir námsárangri.
Nægir þar að nefna t.d. þátttöku í starfi nemendafélags, sem
vitaskuld er jafn lærdómsríkt og oft lærdómsríkara en margar
kennslustundir í hefðbundinni stundatöflu. Annað dæmi er
blaðaútgáfa sem nemendur fá stundum að annast. Ég þekki fá dæmi
um að hún hafi verið talin fram til námsmats, enda þótt hún feli
oft í sér markvisst og hagnýtt móðurmálsnám.
Dæmi
um viðfangsefni [Ath. sjá nánari útskýringar við hvern
lið á bls. 159-160 í bókinni]:
-
Rekstur
útvarpsstöðvar
-
Leiksýningar
-
Brúðuleikhús
-
Íþróttakeppni
-
Myndlistarsýningar
-
Ljósmyndasýningar
-
Aðrar
sýningar
-
Kvikmyndagerð
-
Fjáröflun
til styrktar góðu málefni
-
Tónlistarflutningur
-
Hönnun
og markaðssetning vöru eða þjónustu
-
Bókaútgáfa
-
Ræktun
-
Umhverfisverkefni
af ýmsu tagi
-
Náttúrugripasöfnun
(smá og stór)
-
Rekstur
mötuneytis eða greiðasölu
-
Rekstur
skólasafns eða bókasafns
-
Kennslugagnagerð
-
Uppsetning
vefsíðna
-
Nýsköpun,
hönnun, uppfinningar
Meginatriði
við skipulagningu verkefna af þessu tagi er að nemendur þurfi
sjálfir sem allra mest að halda í alla þræði á öllum
stigum og bera sem mesta ábyrgð á framvindu og úrlausnum.
Því meiri ábyrgð sem tekst að koma á herðar nemenda af
undirbúningi og framkvæmd, þeim mun líklegra er að námið
skili þeim árangri sem að er keppt.
|